السبت، 4 أكتوبر، 2008

أنا مصري بن مصري (قصيدة عامية)


أنا مصري إبن مصري وليا الشـرف برغم المهانة برغــم القرف
برغم الزبالة اللي مالية الشــوارع برغم الفسـاد اللي بيه أعترف
سمو معــالي رئيــس الوزارة نتيجة موظف بسيــط أنحرف
برغم المجاعة اللي داخلين عليهـا وفينا اللي عـــايش حياته في ترف
برغم البطـالة في أوضة وصالة برغم أن أخر جنيـه انصرف
برغم طـابور الصباح السخيف وكل منايا يادوب كـام رغيف
برغم أسايـا لمنظر عشايـا وأقول مش مهم يـا واد نام خفيف
برغم إنى شايف بـلاوى وساكت وعايش مطنش كــأنى كفيف
برغم وزارة رئيسهـــا حرامي وشوفوا البجاحــة يقولوا نظيف
برغم الســلام اللى غرقت بناسها برغم العيـال اللى ساكنة الرصيف
برغم حكومة شعـارها الكلام ورغم رئيسنـــا عليه السلام
ورغم أن كله يــا عالم بيغلى إلا كرامـــتى بترخص قـوام
برغـم إنى عايش في بلدى فريسة ووجبة شهية لبعض اللئـــام
برغم أن كـل تاريخك يا بلدى في عهد جنابه كلام فوق رخام
برغم ده كله يــا مصر بحبك وطــظ فيهم ودا آخر كلام
من شعر أحمد فؤاد نجم
إرسال تعليق

مدونة بن عربي : الصوفية هي الحق هى المعرفة النورانية اللدنية

مدونة بن عربي : الصوفية هي الحق هى المعرفة النورانية اللدونية